|
THOLOKANYO NDIVHO (COMPREHENSION TEST) Murahu Vhalani mafhungo a tevhelaho uri ni do kona u fhindula mbudziso dzi a tevhelaho: Murendeni ndi Muthannga we a alutshela kha la Thengwe, Mutale. O do ri musi a tshi phasa gireidi ya malo a humbela malume awe Vho-Julius, vha garaba, uri u khou tama u do thaphudza pfunzo dzawe a tshi khou dzula navho kha la Katlehong, Ekurhuleni Vhukovhela. Nangoho malume vho do pfa khumbelo ya muduhulu vha mu lugisela tshinwe na tshinwe – u bva kha kamara ine a do edela khayo u swika kha yunifomo ya tshikolo tshe vha mu wanela tshone. Nwaha u tevhelaho wo do thoma Murendeni o no vha muthu wa tshikhuwani a tshi khou bvela phanda na pfunzo dzawe. Thonifho yawe yo vha i tshi tou sumbedza uri a si khundavhalai ngauri na fhala tshikoloni vhadededzi vhanzhi vho vha vha tshi mu takalela. Mafhungo o do khakhea musi Murendeni a tshi swika kha gireidi ya fumi-nthihi Afha ndi he avha a tshi vho thoma u dowelana na madukana a sa dzheni tshikolo, a no tswa nahone a rengisaho zwidzidzivhadzi. Nangoho Vhavenda a vho ngo zwifha vha tshi ri mulilo wa mbava a u orwi. Vho-Julius vho litsha u zwi kaidza zwi tshe zwinu, huno vha tanganedza zwithu zwe a vha a tshi vhuya nazwo vha sa muvhudzisi he a zwi wana hone. A zwo ngo dzhia tshifhinga, ra vho pfa Murendeni a tshi vho vhidzwa Mreiks, a tshi ambara mikumba ya masheleni na u hungelela dzitshaini mikuloni. Vhagudiswa vho ri u limuwa uri Mreiks ndi ene ane a khou rengisa zwidzidzivhadzi afha tshikoloni vha lingedza u mu kaidza, fhedzi a konyolela matanda ndevheni. O vhona zwa khwine hu u litsha tshikolo a mbo di tou dzhena tshothe kha vhugevhenga. O do bvuma kha lothe la Ekurhuleni a tshi dihwa sa Mreiks wa masheleni, wa vhabvana nahone a sa lengi u hungulula gulu ya tshigidi. Izwi a zwo ngo dzhia minwaha mivhili zwi songo ya na vhusula. Linwe duvha nga matsheloni a Lavhuvhili Vho-Julius vho ri vha tshi vula munango wa nndu vha wana dzharata yavho yo hasekanywa nga zwipida zwa tshitumbu tsha Murendeni. Nga Lavhutanu Vho-Julius vhombo u ya makhokha kha la Thengwe, na zwipida zwa tshitumbu tshi si na thoho tsha muduhulu wavho. 1. Neani mafhungo aya thoho yo a teaho (1) 2. Ndi zwifhio zwe Murendeni a zwi humbela kha malume awe? (3) 3. Malume a Murendeni ndi nnyi, nahone vho vha vha tshi dzula ngafhi? (3) 4. Ndi mini zwe zwa vha zwi tshi ita uri vhadededzi vhanzhi vha takalele Murendeni? (3) 5. Murendeni o do shanduka a vho vhidzwa nnyi? (1) 6. Murendeni o digwela vhida nga u ita mini (3) 7. He Vho-Julius vha khakha hone ndi ngafhi? (2) 8. Vhutshilo ha vhuhwarahwara vhu a badela naa? Arali hu inwi Murendeni no vha ni tshi do ita zwifhiyo (4) 9. Talutshedzani maipfi/mafurase o talelwaho/swifhadzwaho. (10) [30]
|