|
NGANEAPFUFHI (SHORT STORY) Murahu
1.NGANEAPFUFHI NDI MINI
Nganeapfufhi i tea u tevhela mudzedze/mutodo muhulwane u teaho u randa nga vhukati ha nganeapfufhi. Zwothe zwi iteaho zwi fanela u livhana nawo. A ro ngo tea u pfa munwali a tshi vho amba nga zwinwe zwi sa tutshelani na mafhungo mahulwane a nganeapfufhi. Ri nga tou ri munwali ha ngo tea u mona-mona musi a tshi bveledza mafhungo awe.
Kha bugu ya nganeapfufhi hu na hune munwali a tou ri talutshedza na hune vhaanewa vha tou diambela. Muanewa muhulwane na thaidzo yawe vha bveledzwa kha mathomele nge munwali a tou ri talutshedza kana nge ra tou pfa mufhindulano wa vhaanewa. Mbumbo dza vhaanewa, thaidzo dzavho, fhethu na nzulele zwi bveledzwa nga wone mufhindulano.
Mafhungo a nganeapfufhi a tea u anetshelwa sa ala a lungano. Tshivhumbeo tsha luambo tshi tea u vha tsha drama. Lwashu luambolu vha lwa vhudi musi lwo shevhedzwa nga maidoma, mirero na zwifanyiso zwa muhumbulo.
Vhavhali vha nganeapfufhi vha tea u tutulwa dzangalelo u bva mathomoni a mafhungo u swika magumoni. Thoho ya nganea ndi tshithu tsha u thoma tsho teaho u tutula dzangalelo la vhavhali. Ndi ngazwo thoho iyo i songo tea u tou bvela khagala uri hu khou do ambwa nga mini, ngauri vhavhali vha do vha na gonova la u vhala arali vha nga wana thoho i no buletshedza zwi no khou do ambwa.
Fhethuvhupo na tshifhinga zwi tshimbila zwothe. Fhethuvhupo: afha ndi hune mafhungo a khou bvelela hone, nahone hu fanela uvha fhethu hu tendiseaho na u tea nganea. Hu nga vha doroboni kana mahayani. Tshifhinga: itshi ndi tshikhathi tshine zwiwo zwa khou bvelela ngatsho. Zwi nga vha zwi tshi khou bvelela tshifhingani tsha zwino kana tsha kale. U tangana ha fhethuvhupo na tshifhinga hu ita uri wane nganeapfufhi i tshi khou amba nga Venda la namusi kana makhuwani kha tshifhinga tsha kale.
Nganea yo tea u vha pfufhi vhukuma, fhedzi lu si lwa maanea a siatari lithihi. A yo ngo tea u tuwa i tshi dzhenisa manwe mafhungo ane a sa tou vha na mushumo. I fanela u ri talutshedza nga tshiwo tshenetsho tshithihi fhedzi tshine ya khou toda u ri vhudza ngatsho.
10. U SIA MUYANI
|