U thetshelesa ha vhagudi mafhungo a manwalwa o fhambanaho a orala hu ita uri vha vhe na vhuombedzeli na vhusengulusi, vha nweledze, vha diphine vhe na nungo, vha rekhode na uri vha nyanyulee khao.

U kona u thetshelesa ha vhagudi hu ita uri vha wane mafhungo, vha fhindule nga ndila yo teaho, vha senguluse masia o fhambanaho a vhutshilo na uri vha diphine.

Vhagudi vha nga kona u swikela izwi nga u thetshelesa arali luambo lwo engedzwaho lu tshi khou ambiwa kha vhuimo ho teaho. U thetshelesa ndi tshone tshipikwa tshihulu tsha ndivho ntswa ya luambo. Ndivho iyo i nga vha ya girama, divhaipfi, maambele, mvelele na matshilisano.

Nga u amba vhagudi vha a kona u davhidzana vhe na vhudifhunduleli na vhukoni nga luambo masiani o fhambanaho a vhutshilo.

Nga u amba mugudi u vha na vhudifhinduleli vhathuni, a dovha hafhu a vha na vhudavhidzani vhu sumbedzaho vhukoni musi e na vhanwe. Izwi zwi vha zwa ndeme vhunga zwi tshi ita vhagudi uri vha bvele phanda na pfunzo dzavho na u kona u shuma

Vhagudi vha swika hune vha kona u amba luambo lwa vhuvhili vha sa timatimi, nahone tshi sumbedza vhutali. U kona u swikela izwi ndi nge vhagudi vha tutuwedzwa na u wana zwifhinga thuso.

U kona u vhala na u sedzulusa ha vhagudi hu ita uri vha wane mafhungo, vha diphine, vha fhindule nga ndila ya u sengulusa vhudi, mvelelo na u nyanyulea kha manwalwa.

Ndi nga u vhala hune vhathu vha divha u nwala na u vha na ndivho ya u guda vhutshiloni havho hothe. Tshaka dzo fhambanaho dza manwalwa a Afrika Tshipembe na a dzitshakatshaka a tea u vhalwa nga vhagudi. Manwalwa aya a katela a fikishini na a si fikishini.Izwi zwi thusa mveledziso ya luambo, ndivho nyangaredzi na u aluwa ha vhagudi vhone vhane.

U vhala ndi tshithu tshihulwane musi luambo lu tshi bveledzwa na uri ri diphine ngalwo. Ndi nga u vhala hune ra guma ri na ndivho nga zwa lifhasi, ha guma hu tshi khou vha na nyaluwo kha vhagudi.

Ri divha u nwala nga nthani ha uri ra divha u vhala.

Vhagudi vha kona u nwala tshaka dzo fhambanaho dza mafhungo ngoho na a khumbulelwa hu u itela uri vha vhe na ndivho kha zwithu zwo fhambanaho.

Vhudisedzi na u guda na matshilele a vhudavhidzani zwi bveledzwa nga u nwala. U nwala hu dovha hafhu ha vha matshilele a u ita tsedzuluso ya vhukoni ha vhagudi na u vha tshithu tsha vhuthogwa ngauri zwi isa phanda phanda pfunzo vha kona u bveledza mishumo.

Vhunga ho bulwa afho ntha kha SO3, u nga si kone u nwala arali u sa divhi u vhala. U nwala na u vhala a zwo ngo fanela u fhandekanywa ngauri ndi yone ndila ya uri mugudi a kone u amba na u bvela phanda. Mugudi u kona u bvela phanda na pfunzo dzawe a vha mudzulapo o bveledzaho.

Nga u kona u shumisa luambo ha vhagudi, vha swika hune vha kona humbula, u nea muhumbulo, u swikela maitele na shumisa mafhungo musi vhe ngudoni dzavho.

Vhunga mafhungo a litheresi o bveledza vhutsila vhunzhi ha u humbula, izwi ndi ndila ya u guda na u bveledza mvelelo ya vhutshilo hothe.

Vhagudi vha sumbedza vhukoni na maitele a u humbula nga u pfesesa na u tandulula zwitenwa zwi kondaho. Zwi dovha hafhu zwa vha thusa kha u wana vhutanzi kha manwe masia a u guda na u divulela ndila ya kutshilele kwa u dzula vha tshi guda.            

Vhagudi vha nga kona u sika mafhungo na u a talutshedza, vha tshi koniswa nga vhutsila ha u shumisa maipfi, mibvumo na luambo (grammar).

Nga murahu ha musi vhagudi vho tandulula ndila ine luambo lwa shuma ngayo, vha swika hune vha kovhana lwone hu u itela uri vha kone u pima mafhungo avho na a vhanwe zwavhudi hu tshi tevhelwa zwine zwa ambwa na vhuronwane.Ndivho iyi vha dovha hafhu vha i shumisa kha u ita liedza na luambo u fhata zwine zwa ambwa.

Vhagudi vha swika hune vha vha na tshenzhemo ya uri luambo lu dzhia tshifhinga u shanduka nahone izwo zwi bvelela vhukati ha mvelele na musi lu tshi shanduka kha masia o fhambanaho a vhutshilo

U vha na ndivho ya vhudi ya girama na divhaipfi ndi zwa vhuthogwa kha u vhala lwa u tou elela, u nwala na tshipitshi. Izwi zwi fanela u gudiswa nga ndila ya u tou angaredza ri tshi khou tanganya u vhala, u amba, u nwala na u thetshelesa.